西川風味海鮮館 (已結業)

好兄弟森哥个老婆岩岩帮佢生左个慈菇锭，我地成班好兄弟一齐去医院探佢个精灵B，之后梗要揾个地方啤啤佢兼贺一贺佢，沿住顺宁道行，揾到一间鸡煲食店。一坐低就叫咗支大啤，侍应哥哥好好招呼，马上为我地送上一碟青瓜，青瓜嘅汁有少少似口水鸡个汁，少少辣，少少麻，都系可以接受，加上啤酒，当然冇得弹啦。配啤酒，点可以冇炸嘢食，先黎个椒盐炸豆腐，外面炸到金黄色，皮薄而香脆，𥚃面就如豆腐花一样咁滑，而且好有豆香味，口感绝对唔油腻，真系另我食欲大增。 再要多个椒盐大尾鱿，大尾鱿水份比鱿鱼重，所以食落唔会觉得干身，仲有一种好滑嫩嘅感觉。 劲蒜开边蒸海虾，蒜蓉劲多，好重手，所以非常香，虾好鲜甜，我个人认为粉丝才是精华，因为蒸嘅过程已经吸收哂海虾所有味道。之后梗系我哋嘅主角西川重庆鸡煲出场啦，由于上枱时只有8成熟，所以要再焗煮一阵，入面有好多香料同配菜，入口的第一啖，觉得好辣，但之后嘅麻辣味停留在口腔，慢慢渗出一种甜味，而且鸡件非常嫩滑，越食越停唔到口。 简直系味蕾的极级享受 !