棽粵 (裝修中)

农历年快到，梗系要叹下粤菜，棽粤距离铜锣湾地铁站行3分钟到，位置方便，餐厅嘅装修高雅舒适，仲可以望埋铜锣湾嘅夜景，非常chill。最重要佢地系由米芝莲星级厨师炮制精致高质粤菜，真心太出色🥰🐷车打芝士五层乳猪乳猪片烤得相当酥脆，伴著醇厚嘅芝士，入口即化，五层夹层嘅乳猪、芝士、青瓜、哈密瓜同吐司，层次分明，口感丰富，一啖食落完全唔觉得油腻。🪿脆皮烧鹅呢道菜都系一绝，皮脆肉嫩，一啖咬落去嘅同时，烧鹅嘅香气同鲜甜嘅肉汁四溢系嘴入面散开，令人食到停唔到口。🦐金沙巨型虎虾一上菜就闻到海虾嘅鲜香，令人食欲大增。虎虾名副其实嘅巨大，虾肉饱满，食落啖啖肉，外面系咸蛋黄酱，虾肉嘅鲜嫩与咸蛋黄酱嘅浓郁完美结合，让人欲罢不能。🍽️瑶柱葱香煎丝苗呢道菜将瑶柱嘅鲜美与葱香嘅独特香气完美结合，煎至金黄嘅丝苗更加增添咗几分诱人嘅风味。喜欢香口点嘅可以单食，而点落汤到食又有另一番风味。🥣四施川贝雪梨茶&生磨杏仁茶四施川贝雪梨茶，茶中嘅菊花原来系用豆腐雕琢而成，劲考功夫，雪梨茶淡淡嘅甜味同清香，而生磨蛋白杏仁茶则系醇厚香浓滑顺，有浓郁嘅杏仁味。