影片
更多
2019-05-20
33 浏览
Fiancé突然话要庆祝求婚480日，带我去食大餐🤣劲神秘约我去锦上路等，之后再行一段路，黎到呢度见到写住天空之城，呢度好多野食，带左我入黎口间叫「崟」既日本餐厅。一入去见到铁板，就估到佢带我食铁板烧😍坐低睇完menu，就决定拣食龙虾🦞既二人前。waitress首先送上前菜同沙律，沙律好特别，除左有沙律菜重有冰菜同一块莲花茎，酱就用左芝麻酱。前菜既冬风螺甜甜地，用左日本豉油同酒煮，煮完无左酒味，只有甜味，重有一旧带点爽脆既白萝卜。师傅先将所有新鲜食材拎俾我地睇，之后先续一咁煮俾我地食。咁大个女都系第一次边睇师傅煮边食野❤️有视觉同味觉既享受！第一样煮既系带子，用带子个壳放汤，用左高汤、豉油同新鲜紫菜煮汤，带子煮到半熟，再打横切一半再放落汤再煮滚，面头放左紫苏叶既花lum同三文鱼籽，师傅话先食花lum清清味蕾再食带子，带子好鲜甜肉嫩，中间带点半生熟，配埋三文鱼子同汤一齐食好美味！食完重可以饮埋啲紫菜汤，不过略嫌咸左少少。银鳕鱼同白甘鲷我地拣左waitress推介既白甘鲷，佢话较特别。师傅拎左个装左油既LC浅锅过黎，油啱啱盖过白甘鲷鱼，用焗既方式煮熟，鱼鳞炸脆左连埋鱼肉一齐食，鱼味淡所以要连
坐低睇完menu，就决定拣食龙虾🦞既二人前。waitress首先送上前菜同沙律，
沙律好特别，除左有沙律菜重有冰菜同一块莲花茎，酱就用左芝麻酱。前菜既冬风螺甜甜地，用左日本豉油同酒煮，煮完无左酒味，只有甜味，重有一旧带点爽脆既白萝卜。
师傅先将所有新鲜食材拎俾我地睇，之后先续一咁煮俾我地食。咁大个女都系第一次边睇师傅煮边食野❤️有视觉同味觉既享受！
第一样煮既系带子，用带子个壳放汤，用左高汤、豉油同新鲜紫菜煮汤，带子煮到半熟，再打横切一半再放落汤再煮滚，
面头放左紫苏叶既花lum同三文鱼籽，师傅话先食花lum清清味蕾再食带子，带子好鲜甜肉嫩，中间带点半生熟，配埋三文鱼子同汤一齐食好美味！食完重可以饮埋啲紫菜汤，不过略嫌咸左少少。
银鳕鱼同白甘鲷我地拣左waitress推介既白甘鲷，佢话较特别。师傅拎左个装左油既LC浅锅过黎，油啱啱盖过白甘鲷鱼，用焗既方式煮熟，
鱼鳞炸脆左连埋鱼肉一齐食，鱼味淡所以要连同黑松露枝豆薯蓉汁食，淡淡既黑松露味同好creamy 既枝豆薯蓉汁配搭得好好。
响螺切薄片，用牛油、豉油、高汤、黑椒同盐快炒，煮到七成熟，
保留鲜甜味之余重非常爽脆。
龙虾🦞好生猛，煮之前重郁，师傅将佢放落铁板慢慢煮到个壳变色后，
就拆左个壳，撩左佢龙虾头既膏，加高汤、豉油、海胆同牛油煮成汁，
龙虾同样煮到七成熟，
再加埋啲汁一齐快炒，肉质一啲都唔韧，非常爽弹鲜甜。
突然见到师傅拎左几块面包出黎，
明明menu无写，好惊喜🤣面包用牛油煎香，再加砂糖煎到焦糖面，包既右下有「崟」既烙印。
另外个两块就无落砂糖，师傅就咁烘脆放左上碟，话等阵用黎索油。Waitress呢个时候拎左青柠啫喱，俾我地用黎清清味蕾，酸mei mei好清新！好好食，好天然！
师博跟住拎大块和牛山黎，
一开始用和牛本身既脂肪煎出油再煎块和牛，佢问我地要几成熟，我地要五成。佢煎完两边，再切细旧，再煎埋另外个几片，好仔细👏🏻咁就完成，放上块面包度，佢建议先食原味，先再点黑椒盐或者烧汁。
肉质好软腍，油脂比例平均，入口充斥住牛油香，我比较钟意乜都唔点，嗒真和牛本身既味道。
Waitress又送黎鲷鱼汤，一打开见到非常奶白，一定好浓鱼味！饮一啖😍哗！好正！汤比较杰身，真系超浓鲜鱼味，无乜调味料，纯粹系鱼本身既甜味，有少少豆腐同菇。
食完海鲜之后，师傅炒饭俾我地，佢先炒香左洋葱、红萝卜同樱花虾，然后放埋一边，落饭加蛋炒到干身，
再落盐、黑椒、豉油调味，最后加返其他配料同葱花炒埋一齐，好香葱花同樱花虾味，十分钟意佢炒到粒粒分明！
而且食完个碗系一啲油都无！好犀利！！👏🏻👏🏻👏🏻
最后一道系炒椰菜，用高汤、麻油炒香，再用黑椒同盐调味，清甜爽脆👍🏻
当然重有甜品作结先完美🤣甜品有雪糕🍦同3.6牛乳奶冻🥛🍮，我拣左番薯味雪糕🍠🍦，
估唔到系紫色💜！好香好似食紧烩番薯咁。fiancé既奶冻超劲奶味，上面有啲红豆，夹埋一齐食增添层次。
呢餐真系好满意！大开眼界同「食」界🤣🤣多谢fiancé 俾我呢个惊喜！
张贴
