影片
更多
2015-06-08
2725 浏览
又喺久唔久一次跟班好姊妹嘅饭局，不过，诸多原因，人脚有变，但开心嘅喺照样能如期开饭，因为大家都忙，人多极之唔易约，虽然唔齐章，都先嚟一次小饭局 。一出电梯门，估唔到新泰个门面咁宽敞，比起好多食厦，挤挤迫迫，依度就感觉舒服好多 。就算入到里面，亦都唔会为做生意将枱櫈排到密麻麻，反而，在柔和嘅灯光配合下，予人有一份宁静嘅安祥感。翻过一转餐牌，因为实在好多选择，由小食、烧烤、汤、沙律、咖喱、肉类、海鲜、蔬菜、饭面……等等，大家都觉得有好多想试嘅美食。好多时候，拣食乜的确伤脑筋，犹幸朋友们都唔喺咩拣饮择食之辈，你提议吓，我和议吓，好易决定到食乜好 。𩠌菜未到，大家就先点点嘢饮，因为见到啲饮品甚吸引。 芒果沙冰 $38 芒果，菠萝，两款都喺心水口味，最后都喺决定要芒果，贪其够香，果然，芒果味好浓香，但沙冰质感又唔算好冰㖞。 番石榴沙冰 $38朋友话好正，所以试咗一啖，的确入口非常清爽， 番石榴味道独特而清甜，真喺暑气全消。 咸柠檬七喜 $32好稳阵嘅选择，应该唔会有咩太大落差。唔使等得好耐，就已经有𩠌菜上枱。因为我哋人唔多，小食类只要咗个小拼盘，而点多客纸米卷因为想食软壳蟹。
一出电梯门，估唔到新泰个门面咁宽敞，比起好多食厦，挤挤迫迫，依度就感觉舒服好多 。就算入到里面，亦都唔会为做生意将枱櫈排到密麻麻，反而，在柔和嘅灯光配合下，予人有一份宁静嘅安祥感。
翻过一转餐牌，因为实在好多选择，由小食、烧烤、汤、沙律、咖喱、肉类、海鲜、蔬菜、饭面……等等，大家都觉得有好多想试嘅美食。好多时候，拣食乜的确伤脑筋，犹幸朋友们都唔喺咩拣饮择食之辈，你提议吓，我和议吓，好易决定到食乜好 。
𩠌菜未到，大家就先点点嘢饮，因为见到啲饮品甚吸引。
芒果沙冰 $38 芒果，菠萝，两款都喺心水口味，最后都喺决定要芒果，贪其够香，果然，芒果味好浓香，但沙冰质感又唔算好冰㖞。
番石榴沙冰 $38
朋友话好正，所以试咗一啖，的确入口非常清爽， 番石榴味道独特而清甜，真喺暑气全消。
咸柠檬七喜 $32
好稳阵嘅选择，应该唔会有咩太大落差。
番石榴沙冰、芒果沙冰、咸柠檬七喜
40 浏览
0 赞好
0 留言
小拼盘 $88 细拼写到明只有虾饼同鱼饼，一客各有两件，每件开半。炸得金黄，两者入口已感到好弹牙，夸张啲讲句，前者虾味浓，后者鱼味鲜，再沾少少泰式酸酱，酸甜滋味！
小拼盘
$88
51 浏览
0 赞好
0 留言
香芒软壳蟹米纸卷 $75 芒果类嘅前菜向来都甚得人欢心，加埋软壳蟹，啱晒我啦。大口一咬，口感丰富，米纸卷内更加入埋米粉，生菜，甘笋丝，青瓜丝，感觉非常清新 。
香芒软壳蟹米纸卷
$75
31 浏览
0 赞好
0 留言
南瓜焗咖喱海鲜 $128 咖喱类有十多款菜式，南瓜实属个人偏好，而依道南瓜焗咖喱海鲜个南瓜品种较大只，内里放满多款海鲜，所以整体份量颇多，计有青口、大虾、鱿鱼、鱼柳……等等，浸在鲜橙红色嘅咖喱当中，望见已非常吸引。海鲜嘅质素唔算好高，属于不俗水平，但个咖喱真喺有一手，捞匀啲椰奶，浓香而富层次 ，配印度酥饼（$28）抑或蒜蓉包（$28），都咁正。
南瓜焗咖喱海鲜
$128
41 浏览
0 赞好
0 留言
盐烧鲈鱼 $108 食泰菜经常食明炉乌头，今次转一转晌烧烤类试咗一道盐烧鲈鱼，卖相睇落相当唔错，外皮烧得焦香。揭开外皮，雪白嘅鱼肉活现眼前，入口果然嫩滑，咸鲜味以外，又渗出淡淡香料味 ，原来鱼肚内放有唔少泰式香料一同盐焗，果真有心思，就算唔蘸酱都够晒味 。
盐烧鲈鱼
$108
66 浏览
0 赞好
0 留言
蒜蓉炒贵妃苗 $75 贵妃苗个名真喺好听，我就惯叫佢做翡翠苗，因为非常翠绿，因此得名。除咗翠绿得靓，爽脆亦喺好食嘅原因之一，简简单单蒜蓉炒，唔使搞咁多，已经好好食。
蒜蓉炒贵妃苗
$75
50 浏览
0 赞好
0 留言
经典泰式甜品之一，一层一层，碧绿养眼。入口烟烟韧韧，有点班兰及椰子口味嘅交融，食极都唔厌。
千层糕
$38
59 浏览
1 赞好
0 留言
班兰糯米饭布甸 $52 当晌餐牌睇见依款甜品时，觉得好新颖，所以，已觉谂住要试。一客只有两件，打开蕉叶，原来好似件玉子寿司咁，下层喺班兰糯米饭，上层喺鸡蛋布甸，无论内外，卖相都相当有心思，味道方面亦不俗，糯米饭黏糯而渗出淡雅嘅班兰香味，鸡蛋布甸软软滑滑！
班兰糯米饭布甸
$52
46 浏览
0 赞好
0 留言
一餐饭食得开唔开心，除咗𩠌菜嘅味道，同枱嘅人脚都好重要，啱倾啱讲会食得开心好多，所以，味道好坏有时源自心态，正所谓心情唔好，食龙肉都无味！
张贴
