影片
更多
2017-04-25
479 浏览
上星期风和日丽，就梗系抓紧春天嘅尾巴，同挚友一齐郊游下，同阳光玩吓游戏。香港嘅郊游地点众多，个人最钟意嘅就系大尾笃。大美笃最杀食嘅地方，除咗系无敌嘅大海景之外，仲可以踩单车、放风筝、撑艇仔，钟意玩乜都得。 另外一个最好嘅地方， 就系大尾笃有好多任食烧烤场， 玩完肚饿可以大吃大喝一餐， 非常满足。在云云众多嘅烧烤场之中， 我就最钟意屹立十年嘅《巴希雅海湾重庆烧烤》。 呢度最吸引我之处， 就系巴希雅并唔系一般嘅港式烧烤，而系一串串嘅重庆烧。重庆烧同一般港式烧烤好唔同，长方形嘅烤炉入面放有可以燃烧三个钟嘅炭， 所以唔使烧两转就加炭，又要拨、又要吹咁麻烦。 而且呢只炭温度非常之高， 好快就可以将食物烤熟。 特别之处系呢度提供咗重庆烧烤必备嘅孜然粉、辣粉、同酱油。 如果想食蜜糖嘅话， 就要自己去买啦。呢度嘅食物种类非常之多， 好多喺重庆烧烤食到嘅串烧呢度都有。除咗烧烤嘅食物之外， 仲有麻辣皮蛋同凉拌青瓜， 两种凉菜都非常出色， 麻味、蒜蓉味突出， 估唔到喺烧烤场都有质素直迫川味店嘅前菜，赞~先讲蔬菜类， 有食重庆烧必点嘅矮瓜，烧法好简单， 将整条矮瓜放喺烤炉上面烤至软淋， 再分成一半， 搽上水同
香港嘅郊游地点众多，个人最钟意嘅就系大尾笃。大美笃最杀食嘅地方，除咗系无敌嘅大海景之外，仲可以踩单车、放风筝、撑艇仔，钟意玩乜都得。 另外一个最好嘅地方， 就系大尾笃有好多任食烧烤场， 玩完肚饿可以大吃大喝一餐， 非常满足。
在云云众多嘅烧烤场之中， 我就最钟意屹立十年嘅《巴希雅海湾重庆烧烤》。 呢度最吸引我之处， 就系巴希雅并唔系一般嘅港式烧烤，而系一串串嘅重庆烧。
重庆烧同一般港式烧烤好唔同，长方形嘅烤炉入面放有可以燃烧三个钟嘅炭， 所以唔使烧两转就加炭，又要拨、又要吹咁麻烦。 而且呢只炭温度非常之高， 好快就可以将食物烤熟。 特别之处系呢度提供咗重庆烧烤必备嘅孜然粉、辣粉、同酱油。 如果想食蜜糖嘅话， 就要自己去买啦。
呢度嘅食物种类非常之多， 好多喺重庆烧烤食到嘅串烧呢度都有。除咗烧烤嘅食物之外， 仲有麻辣皮蛋同凉拌青瓜， 两种凉菜都非常出色， 麻味、蒜蓉味突出， 估唔到喺烧烤场都有质素直迫川味店嘅前菜，赞~
先讲蔬菜类， 有食重庆烧必点嘅矮瓜，烧法好简单， 将整条矮瓜放喺烤炉上面烤至软淋， 再分成一半， 搽上水同酱油， 令到矮瓜肉烤至软身， 再撒上孜然粉同辣粉， 假如有信用嘅话， 味道同感觉真系同出面嘅重庆烧百分百相似。
另外仲有食日本串烧经常食到嘅烧白果， 白果烧好后搽上酱油， 口感烟韧， 带点微咸， 健康又好味。另外仲有京葱，将京葱混合肉类一齐烧， 更能提升烤肉嘅鲜味。
不得不赞嘅系每人一只嘅海虾， 烧海虾时记得唔好烧得过火， 因为烧度过龙会痴壳。海虾size中等， 而且虾肉弹牙，绝对唔发霉，简直令人喜出望外。
至于肉类， 基本上无论鸡肉、猪肉、牛肉、抑或羊， 质素都相当高。食唔出有松肉粉味道，而且腌料味道都有几个选择。 个人推介，烧鸡串，鸡肉相当入味， 由于火，炉够猛， 可以锁紧肉汁，烧嘅时候可以除个人口味撒上孜然粉同辣粉， 增添重庆感觉。
千祈唔好唔记得换菠萝同香蕉。菠萝每人可以换取一件， 烧过后嘅菠萝水分蒸发， 甜味更加浓郁， 用嚟做饭后果，又好味有消滞。
至于香蕉， 将整条香蕉消至发黑后，可以拿到收银处 添加朱古力酱， 无论大人同细路仔都抢住食。
虽然烧嘅时候都几忙， 因为火炉够猛，稍一不留神就会烧成炭黑。但系重庆烧真系风味十足， 好有食街边串烧嘅感觉。估唔到支持咗《巴希雅》近10年， 质素都能够保持， 实属难得，难怪成为大家假日之选。嚟紧嘅假期，不妨同亲戚好友一齐来享受 一下阳光丫。
张贴
