麵屋一平安

营业中

休息中

同大少、小妹去完科学馆玩，佢哋话想食面，就同佢去咗呢间店。呢间店环境企理干净。我哋夜晚6:30去，人流唔算多，食到7:00左右就坐满晒人。明太子煎蛋:蛋够松软够厚，里面明太子咸香味够，好似食紧海绵蛋糕咁软绵绵。鸡皮饺子:外层煎到脆卜卜，非常香口，里面嘅肉好够味，外脆内软，加上少少柠檬汁中和返油腻感。葱花牛舌:牛舌切到薄片，煎得好香口，又唔系好油腻，加上少少葱花，味道啱啱好。麻婆豆腐拉面:期间限定嘅麻婆豆腐拉面，一啲都唔辣，绝对啱唔食得辣嘅朋友。拉面好爽口弹牙，豆腐够滑，个汤好浓郁好好味，食完面忍唔住会饮埋碗汤，加埋粒流心蛋，简直无敌。特制沾面:啲面够晒粗，烟烟韧韧好有咬口。之前食过嘅沾面啲汤超级咸，今次嘅汤浓得来又唔太咸，连埋面一齐食味道啱啱好，叉烧肥瘦适中，紫菜亦都好干身，加埋粒温泉蛋，食完好满足。明太子鱼饼:上到枱仲热辣辣出晒烟，咬落去鱼饼烟靭，惊喜系鱼肉甜甜地，加上子咸咸地，味道好特别。