雲桂香米線專門店

营业中

休息中

呢间成日都食，但系只限于返工食晏，因为我放假时会比较着重服务，返工就只求医肚。首先味道方真系几好食嘅，有得拣小锅米线，重庆酸辣粉，重庆红薯粉够烟韧，配埋汤底简直一流，又可以自由拣𩠌，只系少数会见到一两粒发泡胶系碗嘢入面，呢样真系要改善下啦。另外服务真系唔掂，每次入亲去啲侍应爱理不理咁，你一坐低左又话你乱坐，又或者一入嚟啲侍应就黑口黑面，呢啲见过唔少次，你嗌佢落单有啲系会扮睇唔到，要你开始燥燥地先会走黎落，仲要好唔耐烦咁，所以都好少喺呢间食店见到有奥客，如果以我观察咁耐真系得一两个系好少少态度，但系有时都几开心，有时会有啲嚟旅游嘅奥客入左嚟，就会有机会食花生睇到奥客大战奥员工。