老三火鍋雞煲海鮮放題

营业中

休息中

朋友约食生日饭，钟意打边炉既我见有新开既老三鸡煲火锅，就一于试试!星期五六每位$238，鸡煲加打边炉任食，价钱唔贵。鸡煲肉质鲜嫩，而且入味，好食!而且份量多，食完食鸡煲都已经饱左6-7成。鸡煲仲跟埋一碟即炸向铃，老板教我哋沾左鸡煲汁去食，果然香脆好食!食完鸡煲，店员会帮手换汤底打边炉，仲会俾埋海鲜盘、招牌饺子、安格斯牛肩胛、生㓥龙趸肉拼鳝片、蔬菜盘。我哋拣左药膳醉鸡锅，标准食法系先将海鲜盘加入去，等汤底滚起就可以饮汤，然后食海鲜。药膳醉鸡汤清甜可口!海鲜盘有鲍鱼、鲜虾，砚等等，最好食系鲍鱼同埋虾，好弹牙爽口!砚同贝都好味既，不过就有少少沙，美中不足。第一次食，我觉得老板同员工服务都十分细心，会同我哋分享点先最好食，例如会提我哋食左虾先，不然肉质会太老，值得一赞!总体黎讲，我十分推荐大家去试，我自己亦会再去食。