宮保 (已結業)

今日lunch谂唔到食咩餐厅好, 所以打算去登龙街边行边揾。行到差唔多尽头, 见到呢间宫保, 见到D店员系门口都几落力介绍, 见到门口贴住一张「全单7折」, 好似几抵食, 终是就入左去试试。(但原来系叫主餐牌入面既食物先有7折。) 餐厅入面布置唔错, 以深木色做主调, 而天花挂左好多枝新加坡🇸🇬既旗帜, 几特别。秘制海南鸡配油饭 ($79)海南鸡既皮薄肉嫩, 唔算肥腻, 亦唔鞋口。鸡肉带有好香既鸡味, 而且唔会痂紧D鸡骨, 好易食! 不过用黎沾鸡的酱汁唔系上枱时一并附上, 而系店员将3枝酱汁放系枱面, 由我自己随意挤落碟中… 无一个酱油碟去装住D酱, 感觉有少少奇怪。再讲个饭, 第一眼望见个饭就觉得煮得唔错, 唔会太湿或者太油。食落去既味道属一般, 未算系我食过最好味既油饭, 因为佢D鸡油唔够香, 所以味道上打左少少折扣。热奶茶跟餐免费加配热饮, 正常港式奶茶味道, 无咩特别。