大盛日本料理 (已結業)

下午茶时间，到附近睇吓有咩可以医下个肚，见到呢间日式餐厅装潢好特别好日式，于是决定入去试吓，见到下午茶餐牌真系劲平，早食午餐嘅我都谂住嗌个下午茶嘅烧三文鱼饭试吓。等候嘅时间都算耐，唔知系咪店员因为落场嘅关系，所以冇乜员工工作，只见有两个店员坐喺另一张枱倾偈。送餐上枱后见到碗饭外观都唔错，有好多酱汁，可惜仔细睇发现只有两三片烧三文鱼，其中仲有啲系全熟，有啲失望，因为我唔算太好蒜蓉所以食落个酱汁有极多蒜蓉嘅时候都大感失望，钟意蒜蓉嘅朋友应该会好钟意，但系由于餐牌冇写名，所以我就食嘅时候先知道。味道来讲唔算特别，而且三文鱼份量亦都算少，可能因为呢个价钱，本来就唔应该期望太多，希望下次有机会再试吓佢其他嘢，话唔定会有惊喜呢。