泰國廚房

营业中

休息中

其实佢开左好耐，一直都冇试过。都系帮衬PAD THAI又或者金枕头。3个人叫左泰式炸猪手，海南鸡半只，泰式炒饭同猪肉碎生菜包猪手唔够味，肉质似煲汤猪肉，虽然话系炸，但其实只系表面炸一炸，反而搞到皮好靭。海南鸡都算细，个酱唔系几好。炒饭一般，但唔系太油，不过泰式腊肠好难食。猪手同海南鸡冇记错都系130左右，炒饭同生菜包就80几，仲要加一，同区黎讲都算几贵。对比联和墟PAD THAI又或者金枕头 至少贵4至5成。金枕头130蚊已经系1只海南鸡，佢得半只。PAD THAI泰式炒粉面50左右，佢就成80几。味道又唔特别好，将来应该都唔会再黎。