影片
更多
2009-09-08
350 浏览
在光辉围返工一段日子了, 附近食市食到闷, 见openrice食评对这间'小磨菇'评价甚高, 便去试吓, 去了两次, 感觉好唔同:第一次: (8月中)门口好多人等位, 多数都三五成群, 我一个人即管入去睇吓有冇位, 入到去就有人带位, 见到食评话磨菇汤好味, 就order咗个磨菇汤+牛柳意粉($25)磨菇汤: 可能是我期望过高, 有d失望, 系好够味....味精好重, 咸咗d, 饮完个汤好口渴! d磨菇好碎, 冇哂咬口! 牛柳意粉: 份量好够, d汁好味, 牛柳好林好入味, 而且好多𩠌, 唔错!第二次: (8-9-09)门口依然好多人等位, 我都系一个人中入去睇吓有冇位, 今次冇人理我, 便自己揾位, 坐底咗至有人埋黎问我地有冇人带入黎, 原来同枱两个女仔系唔识嘅! 我地3个'单女'竟被人叫返出去, 话出面d人攞左飞等紧, 门口个呀姐仲话: 我都唔知d一个人嘅点入黎嘅! 哗! 梗系行入黎啦! 唔通'飘'入黎咩! (宜家仲系农历7月!) 我见到同枱个女仔出去就走左去! 我地起左身, 间舗有成十多个吉位, 4-5个伙计扰攘左半分钟都搅唔掂d位点分配! 终于坐低左, 想落单举极手都冇人埋我
第一次: (8月中)
门口好多人等位, 多数都三五成群, 我一个人即管入去睇吓有冇位, 入到去就有人带位, 见到食评话磨菇汤好味, 就order咗个磨菇汤+牛柳意粉($25)
磨菇汤: 可能是我期望过高, 有d失望, 系好够味....味精好重, 咸咗d, 饮完个汤好口渴! d磨菇好碎, 冇哂咬口!
牛柳意粉: 份量好够, d汁好味, 牛柳好林好入味, 而且好多𩠌, 唔错!
第二次: (8-9-09)
门口依然好多人等位, 我都系一个人中入去睇吓有冇位, 今次冇人理我, 便自己揾位, 坐底咗至有人埋黎问我地有冇人带入黎, 原来同枱两个女仔系唔识嘅! 我地3个'单女'竟被人叫返出去, 话出面d人攞左飞等紧, 门口个呀姐仲话: 我都唔知d一个人嘅点入黎嘅! 哗! 梗系行入黎啦! 唔通'飘'入黎咩! (宜家仲系农历7月!) 我见到同枱个女仔出去就走左去! 我地起左身, 间舗有成十多个吉位, 4-5个伙计扰攘左半分钟都搅唔掂d位点分配! 终于坐低左, 想落单举极手都冇人埋我, 成间舖得30-40个位, 4-5个伙计应该足够, 但她们跑来跑去都唔知忙什么! (唉! 人嘅质数问题!) 今次叫左个烧鳗鱼乌冬+荔枝绿茶($30):
荔枝绿茶: 杯茶唔错, 好香荔枝味, 唔太甜, 饮完成粒钟个口仲有荔枝香味! 几好!
鳗鱼乌冬: 卖相强差人意, 件鳗鱼真系细得可怜! 仲黑黝黝好似烧焦左咁! 味道一般! 个乌冬份量一般, 男仔食就应该唔够饱! 猪骨汤底几好味..唔系味精! 浓淡适中, ok!
但系d服务就真系9流, 尤其是门口个呀姐, 隔离枱有个客食食吓话碗面唔热, 叫佢加d热汤, 佢竟然话: 妳食得太慢了, 下次食快d啦! 哗...呢个呀姐真系句句新鲜! 如果我老板听到佢咁讲, 我肯定第一个炒左佢!
呢间野服务9流, 编排混乱, 味道一般, 价钱一般, 环境挤迫! 不值再试!
张贴