影片
更多
2015-02-23
4288 浏览
因为好耐无饮茶, 所以特意约哥哥一家三口加妈妈唻饮茶。我是第一次唻翠园, 上网睇食评话ok, 单以食物味道计都ok, 但以环境, 食物及服务等综合计, 我就无兴趣再唻。环境 - 装修系几靓, 但啲枱放得真系好迫, 要同邻枱既櫈櫈贴櫈, 半吋空间都无。服务 - 当我哋揾待应做野, 佢哋既态度同服务都无问题, 但佢哋唔会主动帮你加水同清走啲碟, 要我哋举手揾人帮忙。食物 - 味道只可以讲系不过不失, 无一款食物令我觉得出色。反而食物选择方面我唔喜欢。呢度原来主打新式/创意点心, 但唔少系煎炸食物, 唔啱我, 而传统点心只保留少量, 牛百叶, 咖哩鱿鱼, 金钱肚呢啲无供应不特止, 就连鸡扎咁大路既都无, 搞到我同姪女两个攞住张点心纸, 好似好多选择但无野啱食, 食唔到想食既, 失望!鲍汁凤爪 - 几十蚊得五只, 炆到只系刚刚变淋, 可以再炆淋啲。 鲍汁味道ok但唔够入味。马拉糕 - 松软, 不过不失。炸云吞 - 脆啰, 呢味好难会出事。叉烧肠 - 肠粉厚薄适中。煎马蹄糕 - 煎得都几香, 马蹄糕唔会太甜。珍珠鸡 - 一笼有三小件, 每件都系好完整既长方体, 唔驶夹开都清楚见到上下两层糯米夹住
环境 - 装修系几靓, 但啲枱放得真系好迫, 要同邻枱既櫈櫈贴櫈, 半吋空间都无。
服务 - 当我哋揾待应做野, 佢哋既态度同服务都无问题, 但佢哋唔会主动帮你加水同清走啲碟, 要我哋举手揾人帮忙。
食物 - 味道只可以讲系不过不失, 无一款食物令我觉得出色。反而食物选择方面我唔喜欢。呢度原来主打新式/创意点心, 但唔少系煎炸食物, 唔啱我, 而传统点心只保留少量, 牛百叶, 咖哩鱿鱼, 金钱肚呢啲无供应不特止, 就连鸡扎咁大路既都无, 搞到我同姪女两个攞住张点心纸, 好似好多选择但无野啱食, 食唔到想食既, 失望!
鲍汁凤爪 - 几十蚊得五只, 炆到只系刚刚变淋, 可以再炆淋啲。 鲍汁味道ok但唔够入味。
马拉糕 - 松软, 不过不失。
炸云吞 - 脆啰, 呢味好难会出事。
叉烧肠 - 肠粉厚薄适中。
煎马蹄糕 - 煎得都几香, 马蹄糕唔会太甜。
珍珠鸡 - 一笼有三小件, 每件都系好完整既长方体, 唔驶夹开都清楚见到上下两层糯米夹住中间一层馅, 好明显系机制。虽然诚意欠奉, 但衬热食, 糯米依然软软的便好好食。
椒盐九肚鱼 - 呢味九肚鱼系我食过最难食既九肚鱼。首先九肚鱼应该系圆嘟嘟, 个肚胀卜卜的, 但呢碟九肚鱼系薄片状, 我怀疑佢将条鱼片开, 一开二。其次就系肉太少显得个炸粉厚, 我只系食到炸粉, 食唔到鱼肉。最后就系华盐太咸, 连食得咸既哥哥都话咸。重要十件都无就收四十几蚊, 唔值。
其他食物例如烧卖, 莲藕饼, 棉花鸡等等我无食, 我便不点评了。
张贴