一品雞煲火鍋

营业中

休息中

误打误撞去到示威区，好多店舖都无开，所以喺楼下行过见到呢间店有开又有人食紧就上咗去嘞。八点几九点，客人应该十枱都无，叫咗个牛杂鸡煲。首先第一个侍应系广东话半咸半淡既年轻女子，好顺利地落错饮品单。第二个女士直情系唔识讲广东话，讲啲唔知系咪普通话既方言………我地只系想问食得未。入正题，鸡件第一两旧会觉得好浓好惹味，然后就会觉得好咸好咸，其他食物亦一般，价钱中上。食到尾声将所有野掉哂落煲后熄火打算慢慢食，有第三个识广东话既职员过黎问：系咪唔要架喇？以为佢问紧空碟所以答咗系呀，然后就暴风式将食紧既碗都收埋，我当时仲拎住紧筷子，其实你地赶收工咪直接讲要收工，叫我地食快啲，咁样真系极反感。咁既价钱真心唔需要食佢，两个人$575。重点系，我同朋友前日食完，直至今日既大便都系黑色，本人已经第四次都系一样黑色…虽然暂无其他异样，但都特意上黎提醒大家一下。总结：免费都唔会再食。