川淮居 (已結業)

Tastes:3/5Environment:4/5Service:1/5新城市广场系我地屋企人经常去饮茶倾计既地方之一，同层有仲有几间酒楼，虽然呢间系价钱上系比较贵少少，但屋企人始终系钟情呢间酒楼。食物方面，呢间酒楼完胜翠苑，早一排同屋企人去完万佛寺食利苑，翠苑既食物竟然系唔热，十分之差。呢间既食物唔会好似翠苑咁，食物上到殷都系热，同埋小笼包鲜嫩多汁，金钱肚都好食。最好食就系只鸡，又嫩又滑。其他食物都系平时酒楼食到既味道，唔会差得去边。不过侍应既服务就有待改善，因为想要多张椅黎比野，就请左侍应帮忙拎一张椅过黎，但侍应可能比较忙，就态度好差咁回应：得啦，阵间拎黎。令人感到不快。整得黎讲，都叫好食过其他几间酒楼，下次都会再黎食。