三清洞摩西 (已結業)

呢日同男友喺铜锣湾闲逛，冇事先谂好食咩，行到hysan附近，就决定嚟呢到食个部队锅。之前都嚟过呢到，因为𠮶期网上都好多人推介佢。由于佢主打部队锅，配料嘅选择都唔少，而且价钱亲民，又可以加钱加配料，够弹性，丰俭由人。今次我哋叫咗个set，有一个2人份部队锅同一份饭卷。部队锅来了！滚嘅时候bulubulu咁超吸引。年糕、拉面同午餐肉就唔少得架啦，上面配有芝士同炸饺子。芝士有点唔够，可能系我重口味啦炸饺子还可以，但要视乎个人喜好，想脆口d就要快d挟起。锅嘅分量适中，2个女仔食啱啱好，同男友食就要叫多碟𩠌。味道嚟讲，正常，冇咩特别; 辣度系中辣，我应付自如，但男友就叫救命叫咗杯水，用嚟冲走年糕上嘅汤汁。侍应见状就端来一大碗热水俾佢慢慢冲，好细心，抵赞饭卷，馅料丰富，而且牛肉有炭香味