博多拉麵別天神 (已結業)

好耐冇食拉面，特登黎试下呢间标榜汤底无添加味精既黄拉面店。首先汤底无添加味精的确几吸引，只系味道稍微唔够浓郁，不过都算好饮！拉面同半熟蛋质素都系正常发挥，反而叉烧有啲逊色，叉烧口感唔够淋，不过呢啲就好睇个人口味。另外一点就系叉烧肥瘦不均，比较多肥肉，可能咁岩我先系咁既，不过如果叉烧边位有咁多肥肉，其实可以事先处理一下。饺子味道平淡左啲，不过岩岩出炉食落脆口都叫做正常发挥！成餐反而最欣赏个小龙虾蟹子沙律，食落先知小龙虾肉份量都落得几足，小龙虾肉食落都几有咬口。不过最后一提某女侍应服务就欠佳，咁我本来另外叫左雪碧同忌廉，某侍应拎左罐忌廉黎叫同我讲：「zero  可乐 忌廉」，咁我其实系叫雪碧咪同佢讲多次要雪碧，呢位侍应仲要态度麻麻同我讲话冇雪碧! 得zero  可乐 忌廉，咁我order 番可乐，点知黎左个zero，咁我冇为意，以为佢系讲汽水得zero可乐同忌廉。点知转头另一位侍应又比到原味可乐比隔离枱㖞。其他男侍应就比较礼貌，我地食完野将碗碟递番比佢地都一直同我地讲唔该晒，呢位女侍应应该要向其他同事学习下。