捌壹壹 (奶路臣街)

营业中

休息中

星期四晏昼同女朋友上网揾咗一间喺旺角食酸菜鱼做晚餐，咁就去试吓。大约晏昼5点去到，唔使等位就可以即刻入座。佢嘅招牌菜系冷锅酸菜鱼，因为女朋友唔食得辣，所以叫咗个走辣嘅冷锅酸菜鱼。除咗冷锅酸菜鱼之外仲叫咗一份炸墨鱼丸，一份青瓜，一份黑糖糍粑同埋两杯沙冰。可能因为人少嘅关系，上菜速度都几快。店员都几有礼貌。至于食物方面，酸菜鱼味道唔错，鱼肉份量都多，价钱都合理。配菜方面都好足料，仲有唔少嘅阔薯粉。不过唯一美中不足嘅系，虽然我叫咗走辣，但系佢个冷锅酸菜鱼就落咗好多胡椒粉，搞到食起上嚟有好强烈嘅胡椒粉辣味，变咗唔系走辣嘅感觉，虽然唔太影响到本身酸菜鱼嘅味道，但系就影响咗走辣嘅体验。至于小食方面，味道就冇咩特别，份量都颇多。但系沙冰就好失望，杯蜜桃沙冰同埋提子沙冰完全冇味，淡到好似水咁。所以唔太建议饮沙冰，饮其他可能会比较好。