麵 (已結業)

难得见中环有呢种车仔面式亚洲粉面店，味道唔错，份量又足，本来想将佢纳入食堂之一。但佢地店员既服务水平真系有待改善，想排队唔问佢唔识得俾飞，有客走又唔识执枱俾人坐，要自己去问佢系咪有位可以坐，上菜慢等等，呢啲都系小事。可以接受。但系今日同事食碟炒面，咬到好几粒好硬既金属/砂粒，咬到牙痛，初初怀疑系因为只碟生锈甩咗的coating 出黎，（虽然系新舖，但在坐几个人只碟都有崩咗唔只一个位）第一次我同事好平和咁问侍应呢啲系乜，个侍应就话帮佢炒过，点知第二碟黎到（换咗碟）都仲系咬到，今次个同事直头咬崩埋只牙，唔敢再食，咁我地又再同侍应讲啦，叫佢不如去check 下系咪装食材只碟有甩coating。佢话唔好意思，唔知点解又中招，之后就冇其他回应，到我地埋单都当冇事发生过咁。最令人嬲既系我地行到个半open kitchen, 见到佢地放材料啲碟都系同我地食𠮶啲一样，我同我同事讲，「可能系𠮶啲碟」，之后佢地个厨师A就扮哂同厨司B讲，「可能系佢地頼得就頼姐」。我地冇讲啲咩就走咗。我觉得有你咁既态度，其实已经讲完，睇下佢地啲「加料」炒面要再咬崩几多只牙佢地先肯检讨。我地冇兴趣再番去试。