燒烤堂 (已結業)

因为住附近，所以都去过好几次。今次系10pm左右去食宵夜，去到得我哋一枱。食左烧牛舌芯、牛小排、免治鸡肉棒、鸡泡鱼干、鹅肝多士、翠玉瓜。味道系唔错，但想讲下服务质素。去左几次都系一路食一路会听到店员一路煮一路大声倾偈甚至唱歌，今次更过分，明明得我地一枱，完全唔忙，去到差不多所有枱都冇抹，我哋只可以拣最唔污糟果一枱黎坐；由头到尾serve我哋𠮶个侍应，都系一手攞住手机一只手攞野食黎；完全唔执枱，我地叫佢先过黎执走食完既碟；每次叫佢地都要大大声因为佢哋全部系晒喺厨房打紧机；我哋一路食佢有一个店员系坐喺另外一张枱开着声咁打机；连买单都叫咗两次。总括黎讲，味道系几好既，但卫生及服务质素系非常低，我地短期内都唔会再去，或者宁愿叫外卖拎走算数。