小王牛肉麵 (已結業)

是日午餐去到荷里活廣場食台灣野，星期一中午人流唔算多，唔洗等位。按習慣由湯試起，帶少少藥材味道，牛肉味唔濃，但配搭上黎幾好味，唔會油膩同過咸。牛肉有三大塊，份量唔少，夠入味但肉質有少少'鞋'。至於麵有粗同幼可選，圖入面係幼麵，口感偏軟滑。小食加左個花枝丸，夠彈牙仲食到一粒粒嘅花枝，而且調味好香口，唯一可惜係唔夠香脆，同埋28蚊只有四粒算係偏貴。跟餐有配蜂蜜綠茶，夠凍而且幾香蜜糖味，唔錯；友人加10蚊轉飲珍珠奶茶，評價同樣幾好～總括來講食物味道唔錯，但亦未至於好特出，如果跟餐可配珍珠奶茶就更好了！