隆記茶室 (已結業)

隆记茶室前日放午饭时间，和同事两条友本身想去食炑八，但系冇位。唔想等，所以就转左去食其他野。见到附近有间茶餐厅，网上都几多好评，就去试下。入到去，环境都算几舒服，有足够的空间比你坐。一看餐牌，价钱唔算贵，亦唔算平。但之后见到有个fb优惠，只要拍照上Fb 并tag餐厅，就会有95折。当天，我叫左个特餐，系有蕃茄汤牛尾通粉，有炒蛋同一件多士，仲有杯饮品。蕃茄汤牛尾通粉系几正，个汤够浓，牛尾亦好好食，不会太硬太干身。炒蛋，亦系用牛乳炒的，所以好有奶味同好滑身牛油多士亦也好好食，有少少甜味，令人不停想食！整个餐，好似大约54蚊，扣埋95折，大约51蚊。都算几扺食！