何車車仔麵 (界限街) (已結業)

今日收工，同朋友约左喺呢度食晚饭。当我喺对面马路望过去嘅时候，远处已经见到好多人喺门口出面排紧。原来呢间车仔面都几受欢迎，不过见到店内位置甚少，难怪想堂食嘅客人都需要系外面等一阵先入到坐。等咗几个字终于有得埋位坐，系入坐之前已经尽量安排我哋落咗单先，相信系想加快上菜速度。油面、猪软骨、猪颈肉、陈皮鱼蛋、葱、干蒜、咖喱汁中辣食完十分之饱，猪软骨口感软腍，软骨易咬又入味。猪颈肉肉质嫩，唔会太硬。陈皮鱼蛋亦唔喺周围餐厅都会选用，所以呢样加分！虽然嗌咗中辣，但系我都觉得唔辣，所以喺枱面拎咗辣椒油嚟加。反而辣椒油有料到，加咗两羹之后辣度即刻提升返，但喺就会抢咗咖喱汁嘅味度。建议想试埋加咗辣嘅味道，可以先原汁原味咁食到咁上下份量先再加辣椒油捞嚟食。而如果情况允许，真喺建议可以外卖，因为舖头较细，座位亦非常少，住喺附近嘅话买返屋企食会比较舒适，繁忙/食饭时段亦唔使喺门口等到满头大汗~ 不过确实几好食，而且喺度做野嘅一班后生仔几热心，服务态度都好好。下次经过都会再想嗌外卖返去慢慢食。支持！