老金煎餅 (已結業)

之前都食过几次老金煎饼，不过食评系第一次打。中环湾仔两间分店都有买过，因为岩岩开张个时好hit，好多人都话好味，所以跟风买，觉得味道唔错。我个人认为港式甜煎饼味道最好，煎饼入面脆脆地，甜味唔over，有少少似细个成日食嘅格饼，都系有啲花生酱。因为今次食嘅系港式甜煎饼同饮左杯豆浆，所以我就打港式甜煎饼同豆浆嘅赞同弹。赞：上面讲左，煎饼入面脆脆地，甜度适中（个人感觉）。女士们食细size应该足够。弹：入住煎饼嘅袋会有倒汗水出，搞到块煎饼湿左😰😰豆浆方面：买煎饼可以加五蚊买豆浆，价钱合理，但雪柜唔够冻，搞到杯豆浆都唔冻。味道稍为淡左少少。店面：企到埋去收银处都无人理，要叫下啲店员先郁，望落啲店员都系后生仔女。同埋店面有好多大苍蝇喺啲材料面飞黎飞去，睇见都惊😥。