Hunky Dory

营业中

休息中

餐厅对出就系绿油油嘅花园，入夜后俾人感觉更加悠闲宁静，就算系半户外嘅环境都未见到有蚊虫，系值得加分嘅地方。威灵顿牛柳即叫即焗，餐厅好细心地喺上盘之前预先切好咗一半。酥皮焗得酥脆，牛肉肉质唔粗糙。餐厅有提供酱汁，但入味嘅牛柳配搭酥皮本身已经好好食。焗香草脆香石斑鱼柳条石班鱼柳好大条，会配埋薯蓉，一定够饱。香草mix埋少少芥末味嘅酱汁同香脆嘅鱼柳非常夹。自家制苹果批一阵玉桂香扑鼻而来，饼底有烟韧口感，苹果片覆盖喺整个批上面，配埋云呢拿雪糕，层次丰富。Mango Yakult Soda打卡一流嘅饮品，有紫黄橙三层渐变色，酸酸甜甜嘅芒果益力多梳打好fresh，最适合夏天饮。