廚尊

营业中

休息中

星期六喺旺角行街，行过呢间活化嘅618号建筑物，入到去睇完嘢，发现咗喺楼上呢一间餐厅，原来啲嘢食唔错㖞，我哋几个人叫咗腊肠煲仔饭、海南鸡饭、鸡扒薯蓉、印尼豆饼午餐肉饭，平均水准相当好，其中海南鸡饭啲鸡好嫩滑，好有鸡味，我最喜欢嘅系煎鸡扒薯蓉，因为个鸡扒煎得好好，不过呢个餐要等得特别耐，可能因为喺呢一度服务嘅都系弱能人士，我哋睇返餐厅里面播放𠮶套video，知道原来佢系喺新加坡开始：个老板话系为咗要请一啲弱能人士做工，等佢哋可以有尊严咁赚取生活费，所以都觉得好有意义，餐厅嘅服务虽然系由弱能人士负责，但系佢哋相当有礼貌，虽然工作效率会比较低，不过能够为佢哋创造一个工作嘅机会，都系好有意义嘅，同埋佢哋好有耐性，又唔会好似其他餐厅咁黑面你，因为我哋中间有小朋友，所以仲叫咗啲小食包括炸番薯条、炸午餐肉条，两样嘢嘅味道都好好，午餐肉偏咸，唔系太符合我一般嘅食嘢要求，如果佢哋可以改用一啲味道比较清淡嘅材料，可能我会更加喜欢，炸番薯条当日就炸得比较㶶，不过我见其他枱𠮶啲都几好，似乎只系我哋咁跷遇到上冇咁好嘅质素啫，所以算啦，每个餐都会跟饮品，我哋有小朋友，叫咗恐龙美禄，相当好味，大人就叫咗咖啡，水准都