泰仔美食

营业中

休息中

一行三人，朋友小聚，友人推荐呢间，讲真作为一个住喺九龙嘅人，九龙城泰菜真系食过好多间，今日就try try 佢⋯⋯钟意食炸嘢，梗系首先选个：泰式拼盘，跟著冬荫功，串烧～鸡猪各半（无牛肉选择），飞天芥兰（因为无通菜），生菜包，二支象啤。「全院满座」，但由柯打到出菜速度不错，首先出场系拼盘，炸物对我嚟讲起码要干身无油立立，佢做到兼味道不错，串烧正正常常不过系无牛选择同好似细串咗，冬荫功个人较为喜爱，可能味道啱我😂，生菜包反而一般，因为唔够味同够辣，整体水准以九龙城嚟计中上，但真系希望佢哋可以落小啲味精，好耐都未试过食完嘢咁口渴⋯⋯最后承惠～$600，都算合理价格。