青葉日本料理 (已結業)

个人一向都唔系日本菜的粉丝，见有一轮冇食，经过青叶，见到啲定食套餐又唔错，于是就点了一客铁板煎鸡扒拼龙脷柳 + 冻柠宾。( $35 )( 原价 $39 ，下午茶9折优惠)大约等左10 分钟就上菜。煎鸡扒鸡扒煎得几香脆，咸淡适中，鸡扒称不上系滑，亦都冇咩肉汁，但系又未到老同埋干。啲鸡肉都有咸味，唔会淡而无味，亦都冇雪味。龙脷柳龙脷柳亦都煎得媿香脆。咸淡适中，冇腥味，仲几滑添。面鼓汤正正常常，同饮开的差唔多味道。唔会太咸同埋太鲜。不过个人一向唔太钟意饮面鼓汤，冻柠宾好少见有餐厅可以叫冻柠宾但系唔使加钱，呢样值得一赞。饮落去觉得甜甜地同埋有淡淡的柠檬味，好饮，入口清新，不过冇咩利宾立味。服务正常，整体上效率同埋态度都可以，只不过有啲待应挂住倾计。总括而言，整个定食的味道唔错，不过败笔只处系𩠌菜的份量太少。有一半系青椰菜，煎鸡扒有小小的三件，龙脷柳亦都系得小小的两块，啲饭食到一大半己经食晒啲𩠌。如果啲𩠌可以多番小小就更加好啦!