饞。台式食堂 (如心廣場二期)

营业中

休息中

药膳排骨既药膳味都算几浓郁，排骨份量都多，食完都几舒服，前菜系台式泡菜，同韩式唔同，我个人黎讲就较偏爱韩式泡菜，因为台式泡菜系会偏甜唔会辣。佢跟既酱好特别，有啲腐乳味。加钱配左贡丸米粉，米粉正常，贡丸就唔同平日食既普通贡丸，呢度既贡丸系juicy少少，香啲。盐水鸡同我想像有出入，虽然佢肉既份量都算多，但味道唔够浓味，一般，可能大旧，所以难入味，我食开既盐水鸡细件啲。而佢跟既辣酱非常好食！但佢个花枝丸就相当正，唔会好油，好香墨鱼味，令人想一件接一件咁食。饮品方面，白桃乌龙非常出色，茶底好香，白桃同茶味平衡到，跟餐只系加 $12 咋，都几抵饮！