組長日式放題 (已結業)

都有一段时间冇黎过, 今次来到发现餐牌改动了很大, 价钱也比之前调高了, 跟女友决定入去试试。7:05pm 入座收费 $188, 其实以放题来说也不算太贵, 始终尖咀同旺角那些不同, 此价钱也是合理的。刺身选择多了, 有油甘鱼、大头甜虾及帆立贝等, 最好食都系三文鱼, 不过帆立贝同甜虾都新鲜 - 以放题来说质素算系咁啦。寿司方面虽然冇左军舰, 但系有个叫 "雀巢" 既都几得意。餐牌仲加多左好多唔同种类既炸物, 有啲都几特别, 例如心心豆腐、蔗虾、金丝虾等等, 天妇罗都整得好食, 食得出系即刻新鲜炸, 仲有连他他汁酿蟹盖都有 (虽然系细细只咁啦)。串烧方面最好食系鸡软骨同埋鸡肾, 另外烧菠萝当饭后果都唔错。野饮选择都多左唔少, 女友好钟意只芦荟汁 (好似系乐天?)整体黎讲食物系唔错, 对得住个价钱 - 惟一问题系员工感觉好似有啲懒散, 唔会主动收碟, 有待改善。