A-1 Bakery & Cafe (已結業)

星期日同二 个女去到新都会觅食，见到呢间A1 cafe 有我大女最爱嘅 pretzel ，立即入去试，点知坐低之后已经话卖哂，只好食其他。叫左个猪手，其实比起其他食猪手嘅德国餐厅黎讲，真系好细份，但个皮都好脆，个酱汁味道不是太浓，如果有埋黄芥辣会更好。酸椰菜就味道唔系咁好。芝士龙虾仔意大利饭，好香，risotto 煮得太林，但味道不错，仲有好多龙虾仔。墨鱼面，食到大家一咀系，但略嫌汁太稀同偏咸。叫左个沙律，个名好长..我都唔记得叫咩，佢有牛油果，红洋葱，鸡肉，鸡蛋，生菜，蕃茄，墨西哥脆片，脆烟肉，芝士，味道好清新。肉酱芝士薯条，芝士太少，肉酱亦偏酸。叫咁多样野，约5百几蚊。味道同价钱都不过不失。