金記冰室 (康怡廣場北座)

营业中

休息中

今日同仔去太古学野。一出地铁见到哩间金记冰室就入左去食个 early dinner. 首先叫左个儿童餐比阿仔，同埋叫左个杂扒铁板餐比自己。阿仔个儿童餐都几丰富，有肉酱意粉，炸鸡翼，烟肉肠仔一件，炸薯仔三件，牛油粟米，橙汁一杯，朱古力棉花糖数粒。 哩个儿童餐d野都几arm阿仔口味，佢全部食晒仲话好好味咁话，叫我下次再带佢来食。我自己个杂扒餐都几大份，有洋葱/黑椒/蒜容汁等可以选择。因为怕太heavy我叫左薯菜走薯仔😂。个经理都几好人话比西兰花我👍。牛扒几好味，有牛味而且咬落去口感唔错几淋身，而且都好大件有成个手掌甘大件。鸡扒肉质嫩滑，鸡扒皮劲香脆我最钟意。猪扒都唔错，唔会煎得过火，肉质唔un，味道刚好。除左猪牛鸡扒还有肠仔同埋烟肉个一件。 餐茶我就叫左姜柠乐。佢地系用姜丝同可乐一起煲（唔系姜片），抵赞！埋单一百四十蚊左右，食得饱饱，又美味，大满足！