鼎尚棋哥燒鵝湯館 (已結業)

叫咗叉烧同埋烧腩仔，味道中上，即系话同好啲嘅茶餐厅又或者烧腊档差唔多。但打出鼎爷个名，我就期待应该有惊喜，好失望。但价钱绝对唔平，每个人成$200 。我差少少算系合格，但你唔好奢望半肥瘦。烧腩仔比较好。我哋每人加$10转做汤米粉，但啲味精多到不得了，米粉嘅味道同福字即食米粉一样。我哋食完饭一个钟之后都仲有味精味，顶唔顺，睇表演中场休息就已经要走出去买嘢饮。重头戏系个炖汤，算系合格，冇惊喜，坊间好多炖汤都系咁样。同埋你千祈唔好将阿妈屋企𠮶啲同佢比，阿妈𠮶啲汤浓好多。我哋系叫最贵𠮶只天麻，碗汤有鸡汤味，但冇乜药材味。虽然收中菜馆价，个环境就系一个茶餐厅，仲好意思加一服务费，全程连杯茶都冇。如果唔系因为赶时间去戏曲中心睇戏，我会建议大家去第二度食。