Terrace in seaside (德福廣場1期)

营业中

休息中

离开九龙湾就会挂住九龙湾，今日约番九龙湾朋友，约定喺大家都想试好耐嘅Terrace in seaside见面，原来呢度系食韩式西餐。韩国菜又点少得人参，而最近呢度就有一系列用人参做食材嘅餐饮。秀色参香饭卷就系将平时食开嘅韩式饭卷加入咗粒粒人参碎，混合起来渗透住淡淡参香，但又唔会太浓烈。配合返鸡蛋、菠菜、萝卜等食材，有人参香味之余仍然保留住韩式饭卷嘅味道。肉酱芝士千层面层次分明，咸香之中又带点甜，系我最钟意嘅味道。人参做甜品，我第一时间谂起人参糖，真系冇谂过可以变成Tiramisu。花参绽放提拉米苏用一个玻璃樽承载，个名已经够哂靓，令人幻想无限，原来仲系雪花秀做主题。Tiramisu入面层次分明，并以人参取代咖啡嘅味道，甘甘甜甜非常欣赏。现场好多人都order𠮶杯原个香橙饮品，不过我哋就选择咗期间限定嘅人参系列。雪白人参冰沙类似一杯奶昔。上面已经有原支人参，整体感觉就系香、贴、滑。另外就拣咗一杯热饮，人参泡泡咖啡可以话系一杯人参Cappuccino，人参同咖啡嘅味道相当balance，下次路过都可以order一杯。