臺味冰點

营业中

休息中

如果大家有留意开都知我成日食呢间餐厅, 咁绝对系基于佢实在太好食同太多款式, 食极都仲有新野我写。今次就叫左呢个台湾排骨酥肉燥饭, 其实次次黎都想食左佢个台湾排骨酥, 因为炸野够晒香口, 但又怕佢太干身, 所以一直都无叫, 但今次同个姐姐吹水, 佢话怕干咪叫埋肉燥, 搭住食, 会好好多, 唔会太干, 既然系咁我就叫黎一试啦。首先佢嘅台湾排骨酥, 系即炸嘅, 即使我外卖食, 都仍然feel 到佢啱啱起获嘅热气, 外脆内嫩, 肉汁系口入面嘅喷发, 绝对无得弹。再者佢嘅肉燥又真系香喷喷, 好好𩠌饭, 令到我最怕嘅"太干"唔会出现, 姐姐认真无推介错。