影片
更多
2008-12-16
16 浏览
十月三日, 收工去做完 facial, 有少少肚饿, 上堂前决定嚟呢间《何洪记》试吓!之前一直都知呢间嘢劲出名, 又系老字号, 但喺铜记返工咁耐都冇机会试,衬今晚有少少时间就尽管自己一个走入去试试, 我已经好耐冇试过自己一个行入间餐厅到食嘢啦!Lucky, 啱啱仲有几个位, 唔驶等位又有卡位坐, 因为呢度地方真系几细, 如果系大肥佬真系可能行唔到入嚟同坐底食嘢...谂都唔驶谂, 就试佢既招牌云吞面 ($27), 等咗一段仔时间, 嚟到发现原来劲细碗, 哗! 咁真系几贵㖞!!呢个份量男士一定唔够饱啦!! 食三碗就差唔多!味道确系同普通十蚊多啲既云吞面好唔同, 比较正宗, 啲面系几弹牙, 啲云吞都几香, 里面既虾肉几爽口, 汤底算清甜,但老实, 真系唔算特别好好食啰! 咁既价钱, 我谂都冇乜兴趣再帮衬喇...不过呢度啲亚姐既服务就出奇地唔错, 仲以为呢啲又出名又老字号既亚姐会好串既添!顺带一提, 呢次食嘢有个有趣经历, 坐我对面有对韩国情侣嚟食嘢, 见佢哋系拎住本旅游书特登揾到嚟呢间食嘢,不过好明显佢哋果边真系冇云吞面呢样嘢食, 因为碗面嚟到后, 佢哋研究咗啲酱油醋好耐, 都唔知系乜, 亦
之前一直都知呢间嘢劲出名, 又系老字号, 但喺铜记返工咁耐都冇机会试,
衬今晚有少少时间就尽管自己一个走入去试试,
我已经好耐冇试过自己一个行入间餐厅到食嘢啦!
Lucky, 啱啱仲有几个位, 唔驶等位又有卡位坐, 因为呢度地方真系几细,
如果系大肥佬真系可能行唔到入嚟同坐底食嘢...
谂都唔驶谂, 就试佢既招牌云吞面 ($27),
等咗一段仔时间, 嚟到发现原来劲细碗, 哗! 咁真系几贵㖞!!
呢个份量男士一定唔够饱啦!! 食三碗就差唔多!
味道确系同普通十蚊多啲既云吞面好唔同, 比较正宗,
啲面系几弹牙, 啲云吞都几香, 里面既虾肉几爽口, 汤底算清甜,
但老实, 真系唔算特别好好食啰! 咁既价钱, 我谂都冇乜兴趣再帮衬喇...
不过呢度啲亚姐既服务就出奇地唔错, 仲以为呢啲又出名又老字号既亚姐会好串既添!
顺带一提, 呢次食嘢有个有趣经历, 坐我对面有对韩国情侣嚟食嘢,
见佢哋系拎住本旅游书特登揾到嚟呢间食嘢,
不过好明显佢哋果边真系冇云吞面呢样嘢食,
因为碗面嚟到后, 佢哋研究咗啲酱油醋好耐, 都唔知系乜, 亦唔知要加啲乜落去食,
最后我忍唔住用少少英文加身体语言教佢哋点食,
当男果个跟我既方法食面时点少少醋食落口个反应好搞笑,
我谂佢第一个表情系觉得好得意, 应该未试过咁样食面,
第二个表情佢似乎接受咗, 都觉得咁样食面几好味呀~
同埋喺我心目中既韩国人好大男人, 不过睇嚟新一代既韩国人就已经改善咗好多啦~
见呢对情侣个感觉都好好, 男方仲好照顾女方添~~
更详细资料及图片请看 : http://hk.myblog.yahoo.com/joycewai616/article?mid=11242
张贴
