PizzaExpress (荃灣廣場) (已結業)

同朋友一齐出嚟食午餐，仲要带埋小朋友当然就会拣一间可以拍到车嘅餐厅，最后我哋就选择咗荃湾广场食薄饼，系我近排觉得味道都唔错嘅一间餐厅。因为我哋今次系圣诞节嘅关系，所以就有啲二人餐，我哋叫咗一个价钱最后每人$162讲真系好饱，而且价钱都十分之合理，保持到水准。

我哋叫咗一个小食，面包芝士，面包都几松软，如果芝士味再浓一啲就更好，芝士酱汁都十分之多。薄饼方面叫咗火鸡薄饼，材料比较少左啲，但味道都几好食，带点微辣，皮够脆口。海鲜意粉味道好味，而且又带点辣，海鲜方面都份量不少，意粉口感不错。饮品叫咗一个花茶和一个榛子白朱古力，榛子白朱古力唔太甜，有惊喜，但朱古力味就比较少。