榮式燒雞扒 (已結業)

荣式我一向都系去开佐敦或者系铜锣湾，今次系北角附近，所以就嚟咗呢间！佐敦或者系铜锣湾店平时一向都坐无虚席，但今次嚟北角店竟然有吉枱，感觉上已经有些奇怪，点知真系出事！嚟得荣式嘅朋友应该都知鸡扒系一定要点的！所以我都冇点睇过个MENU就叫咗荣式鸡扒并莲藕饼饭！呢个几乎系我每次都叫嘅野！而朋友就叫咗荣式鸡扒并豆腐饭。叫咗都唔够三分钟就已经上咗枱，见到个样都冇咩异样！但感觉好似同一向食开有D唔同，平时好似一放落枱就会闻到鸡扒香，但今次好似冇咩咁！鸡扒同平时一样将鸡皮烧得很香脆，再加上秘制酱油嚟烧，所以颜色方面都好靓金金黄黄咁！虽然鸡扒唔算好厚身，但就好大块！咁反而仲好，鸡扒可以吸收晒酱油嘅味道，而且仲好Juicy！呢度嘅莲藕饼一直都系我嘅至爱，有𫠒鱼（即八瓜鱼）所以十分惹味，半肥瘦既猪肉，却不腻！之后同朋友用一件莲藕饼交换咗2件豆腐，哈哈！豆腐都好入味，完全吸收哂酱油嘅味！其实味道上系可以的，但是觉得个饭同鸡扒都唔够热，平时上枱时D饭同鸡扒总系热辣辣的，而且会有烧鸡扒的香味！但今次嚟到北角店就真系强差人意！唔够热辣辣同香喷喷！