湘聚漁樂圈 (已結業)

上星期去左食湘聚渔乐圈，本来好想食爽脆鱼皮，一开始就落order，叫左爽脆鱼皮、炒土豆丝、鱼蛋鱼汤、炒脆肚、炒土鸡。落左order后一阵，服务员姐姐走过黎话无鱼蛋，但我地话想饮d汤，佢好好咁帮我地转左煎鱼汤。但系后来d送陆续黎到，但就唔见有爽鱼皮，就问番服务员，佢check番原来无落到单，再问厨房，原来已经卖晒。炒土豆丝几爽脆，唔算太油，几好。个鱼汤有鱼味，我有试d鱼肉，有鲜味，应该系新鲜鱼，不过就有d腥，可能系我对腥味比较敏感。炒脆肚比较失望，一d都唔脆，但就够镬气，个碟底都几多油，都几辣。炒土鸡，都食到有鸡味，可惜d鸡太碎，无乜肉。