養心殿台式養生鍋 (已結業)

其实都食咗养心殿好多次，贪佢九点半后入座全单有七折，真系平好多，所以每逢星期五六谂唔到食乜都会去食佢。食开宁神养心锅拼麻辣锅，麻辣锅会送鸭血同几旧冻豆腐，鸭血爽口，会吸收麻辣汤底嘅味道，好啱钟意食辣嘅朋友。但唔知点解今次宁神养心㖞嘅汤底好咸，可能厨师重手左😥但平时系OK嘅另外叫咗年糕、宽条粉、冻豆腐、霜降肉眼肥牛、莴笋、手打墨鱼丸同秋葵，叫咗唔多嘢食，但我觉得两个人食份量啱啱好，因为养生锅入面有¼只鸡，为咗唔好浪费，有时我都会食埋佢，所以啱啱好够饱。最钟意就系将宽条粉同冻豆腐摆落麻辣锅入边，佢会吸收晒啲麻辣汤底，好正，打边炉落秋葵应该唔多人食，但我又觉得几好食，烚左之后佢会冇咗啲滑潺潺嘅口感，唔错，大家可以一试。