亞萊泰 (黃大仙中心北館) (已搬遷) 新店位置

收工经过黄大仙，就喺黄大仙中心揾食。平日夜晚黎到，成个场都冇乜人气，最后拣咗食亚莱泰，贪佢好多分店，质素应该有啲保证？我哋去到直入，望吓餐牌，见到款式选择都多。由于下午食咗个tea，唔系好肚饿，所以两个人只系嗌左两款食物，冇主食。我哋叫左一份铁板猪手同埋一份细嘅小食拼盘。上菜速度都好快，猪手望落颜色偏深，酱料应该都落得几重手。食落去果然冇估错，味道偏咸，虽然份量都几多，肥膏都算少，但都唔敢食太多，惊要疯狂灌水。而小食拼盘表现正常，有4款唔同嘅食物，每款有两件，两个人啱啱好分得匀。不过唔系几够热，影响咗口感。明明早几年食亚莱泰嘅感觉都几好，今日再食有少少失望，希望下次可以keep番水准啦！