夜。鐵板燒

朋友生日，因为佢钟意食铁板烧，所以每年同佢庆祝生日都会去食铁板烧，咁当然每年都会选择一间唔同嘅铁板烧试吓，今次呢间都系Openrice睇下d相（我自己个人一般选择餐厅，都系睇环境行先）觉得唔错就去试吓！讲完一轮废话，讲返嘢食，长话短说，食物味道系出众既，正如厨师所介绍，d酱料同调味，好多都系佢地自家制，如果计味道，我估呢间系我食过最好食嘅铁板烧（当然我有食过更贵既，不过我觉得果d系贵在食材，例如手板咁大只活鲍鱼），所以我朋友都食得好开心，不停赞d野好食！环境装修都唔错！服务态度都非常之好！唯一可以改善当然系价钱可以下调一下，现在市道唔好，果日途经山林道两旁餐厅，都系小猫三两只，个个都北上消费，如果唔拉近d价格距离，好难长远维持！个人意见only! Anyway, 野食，超级推介！