寶寶雞煲

营业中

休息中

朋友之前食過太子嘅寶寶雞煲後就成日打嚟約我去食，佢話真係食過返唔到轉頭，於是我就應邀嚟試吓。餐廳面積雖然唔係大集團咁大間店，不過坐位都濶落舒服。朋友就推介食寶寶奇味雞煲（干煲），我哋就點咗小辣仲加咗新鮮牛肚，好快就有個熱焫焫香噴噴嘅雞煲上枱喇。平時多數都係食到急凍嘅牛肚，新鮮嘅牛肚好少地方可以食到，有幸今次食到之餘仲要係軟淋淋口感好入味；而主角雞煲嘅雞件好嫩滑之餘仲好入味！朋友果然無介紹錯。食完個雞煲後再加咗火鍋配料打邊爐，點咗嘅配料包括：雪花牛頸脊-濃郁嘅牛味，建議8秒就可以食得，肉質非常嫩滑。手打墨魚滑-彈牙之餘仲有墨魚粒好有咬口汕頭牛筋丸-入口多汁仲要好彈牙日本清水生蠔-香濃蠔味頂級桂花蚌-超爽口小食點咗個椒鹽脆鯇片-鯇片嫩滑每款食物都好新鮮、鮮味，難怪朋友不停咁要我嚟試。