寶寶雞煲

营业中

休息中

朋友之前食过太子嘅宝宝鸡煲后就成日打嚟约我去食，佢话真系食过返唔到转头，于是我就应邀嚟试吓。餐厅面积虽然唔系大集团咁大间店，不过坐位都濶落舒服。朋友就推介食宝宝奇味鸡煲（干煲），我哋就点咗小辣仲加咗新鲜牛肚，好快就有个热焫焫香喷喷嘅鸡煲上枱喇。平时多数都系食到急冻嘅牛肚，新鲜嘅牛肚好少地方可以食到，有幸今次食到之余仲要系软淋淋口感好入味；而主角鸡煲嘅鸡件好嫩滑之余仲好入味！朋友果然无介绍错。食完个鸡煲后再加咗火锅配料打边炉，点咗嘅配料包括：雪花牛颈脊-浓郁嘅牛味，建议8秒就可以食得，肉质非常嫩滑。手打墨鱼滑-弹牙之余仲有墨鱼粒好有咬口汕头牛筋丸-入口多汁仲要好弹牙日本清水生蚝-香浓蚝味顶级桂花蚌-超爽口小食点咗个椒盐脆鲩片-鲩片嫩滑每款食物都好新鲜、鲜味，难怪朋友不停咁要我嚟试。