金記冰室 (創紀之城五期(apm)) (已結業)

做完facial同男友揾食，金记这间茶餐厅已在apm有一段时间，不过次次都食咗其他野。 两个人星期五大约8：45左右都依然要等位，等咗大约10分钟左右。点咗海南鸡饭 ($70)加个冰震奶茶 (跟餐加$5) 同铁板美式杂扒 ($85)。海南鸡饭连埋汤上，个汤饮落唔似平时海南鸡饭个种味精汤，不过点解少少汤渣都无(有既,一粒南北杏)....汤味似一般街饮到既例汤味.....最后我都分唔到佢系咩汤......好彩个饭同D鸡都几好食，油饭香而且粒粒分明，鸡就非常滑溜~味道都几好。不过就系细份咗少少.......同个酱无咗我最钟意既酸辣酱而变咗花生 (不过花生味道都OK)铁板美式杂扒入面就有牛扒、鸡扒、猪扒、烟肉同香肠，仲可以配饭或意粉。黑椒汁比较浓稠，倒个汁落铁板落未有烟雾弥漫，不过都有"咋咋"声，即系都算几热既。扒都比较薄身，香肠系普通㕑师肠。牛同猪就一般般，鸡比较好，食到肉汁。整体算合格啦........奶茶唔系我饮不评。呢间茶餐厅装修同干净程度比一般好，不过就偏贵....暂时都唔会再encore 住。