Seafood Stand (已結業)

其实之前食过一次，味道系ok ，但今次我想讲既系佢地既服务。今日经开谂住食多次 拣左个牛魔王汉堡，因为小弟唔食沙律酱 ，都非常客气地问有冇沙律酱，有既话我想唔要。讲完呢句，个收银好似我得罪过佢，好串咁同我讲：「 你指𠮶个沙律酱系咩，我唔知你明唔明啦下，我地系用honey xxx(听唔到佢讲咩）。」之后佢继续补充：「好多酱你都可以话系沙律酱，豉油你都可以话系沙律酱架，唔该下次讲清楚啲。」听到呢句真系火都黎，即刻大声同佢理论，佢见我突然转左脸色，先开始冇咁串，但仍然同我讲：「我而家教精你炸。」我而家都仲谂唔明，究竟我错左喺边。而最后，我系嬲到即刻走。讲到呢度，大家可以自行决定去唔去呢间餐厅食。