点寿司

营业中

休息中

由于屯门寿司郎长期都要排几个钟先有位，市中心周边范围类似嘅寿司店选择唔算特别多，之前见呢间点寿司新开又近近地就试下，知道系争鲜旗下，所以算系高阶版争鲜，价钱算有点小贵(感觉上应该比寿司郎贵啲啲🤏，单件唔少要$20起跳，不过就全部都好大件厚肉👍🏻)，食物质素唔错，所以都有回头再食，之前我已经食过两次，今次再黎就写下食评喇😊由于闲日加上比较晏去，入座已经夜晚八点三左右，自己一个食，店员姐姐都好好比左张四人枱我坐，好舒服😌首先叫左花之恋，三文鱼两旧算系大大旧，亦都算系比较多油脂嘅位，唔系一般花之恋就用无油脂部位果种，只沙律酱微酸，同争鲜嘅甜沙律酱唔同，面头系三文鱼子而非蟹子，夹埋几好食👍🏻呑拿鱼蓉军舰，呢个正常发挥，加埋洋葱同葱，食落味道更有层次。赤虾呑拿鱼蓉配三文鱼子，虾算几大只，三种食材加埋原来都几夹，虾嘅甜味、呑拿鱼蓉嘅甘香、加上三文鱼子嘅咸鲜，好味😋三文鱼腩好厚切，每口都油脂满满好肥美，啖啖鱼油香，鱼味好浓😋中拖罗，呢件鱼味够，不过食落有少少根，同埋咬到中间有一条小鱼骨，算系今餐比较美中不足嘅地方。油甘鱼，一样油脂分布平均，食落好重油香，可能因为无左平时深红色嘅血位，食落比较无咁