倫敦大酒樓

营业中

休息中

今日翻查返之后，先知原来呢一间旧底叫做运通泰酒楼，小时候每个星期日都几乎系呢度饮茶，食我至爱的烧卖、千层糕、麻蓉包。想起旧日的日子，服务都有啲旧式，侍应粗粗鄙鄙咁，但却揾唔番旧式味道。餐牌上虽然有一啲私房菜，但系要两日前预订。 由于去到先知道，所以无缘食。 只系简单叫咗啲𩠌菜。荔芋香酥丸唔知点解叫做香酥丸，佢明明就系一块饼嚟㗎! 新鲜炸起，少少油腻啦!不过都几香的，味道都唔错。当红炸子鸡好明显系两只鸡沟埋一齐，有几旧比较新鲜，但系其余好似系翻炸咗咁的，啲肉都唔系好嫩。栗子豆苗出街食菜要成$100 真系有啲唔抵㗎! 好彩呢个豆苗都冇苦味。龙趸两食，一个清蒸，一个炒不过我觉得呢碟太多油，啲鱼肉唔够嫩。 西芹好老，有根。清蒸𠮶个龙趸啲肉比较嫩，好食啲。上汤龙虾伊面伊面完全挂唔到汁，不过佢用的好似系旧式的伊面，冇味。 龙虾啲肉唔够弹牙，味道都唔够出。