阿純山東餃子

营业中

休息中

见呢间饺子店口碑好似唔错，又有几多电影杂志推荐，行到附近咁就谂住去试下啦。因为夜晚有野做，所以下午四点几五点就已经到左，食晚餐餐厅入面几简陋，好似普通茶餐厅，而且唔算好干净，台面有少少反光嘅油迹。一入到去就见到有人系到包饺子，卫生情况唔系好清楚，不过至少知全部饺子都系人手包嘅。一坐低就有侍应摆低杯茶同埋只碟仔，冇乜特别嘅服务，不过都预左嘅，唔黑面就已经算正常。台面有两款餐牌，后面就有图片参考。我自己一个人就嗌左一个素菜饺同埋一碟油菜全走。素菜饺十只，SIZE比其他饺子店细少少，北方饺子皮都比较厚少少，不过唔会硬，而且一上台热辣辣出紧烟，睇到都几开心。馅有菜，木耳，冬菇，粉丝同埋少少少量嘅油炸鬼碎碎，因为我食到一啲口感几奇怪嘅野，就研究下究竟系乜，原来系油炸鬼碎碎！几特别，不过好少，所以都未必察觉得到。我都唔算大食，但食完呢十只饺子都冇饱肚嘅感觉。灼菜其实几唔抵，不过想食得健康啲冇办法。$18得四条菜，而且灼得太耐，见到张相都知太林，不过至少菜系新鲜嘅。　总括黎讲，我觉得呢间野唔差，但系又冇咩咁特别，唔明点解佢名气咁大，我觉得有啲名不乎实。