鏞鏞．藝嚐館

营业中

休息中

同朋友去到尖沙咀突然想食中式嘢，上网见到依间就嚟试下，畀门面装修吸引晒注意力，因为真系一啲都睇唔出依间装修咁靓嘅餐厅系食中菜。可能闲日去唔太多人佢畀咗张大台我，坐得舒服又望到个海景，坐低咗就叫咗啲点心同烧鹅例牌，点心皮薄馅靓，份量都叫足够，起码两个人食系够饱。不过烧鹅就真系估唔到咁好食，可能之前多数喺烧味铺买过𠮶啲质素都参差啲，但依次真系好好食，皮烧到脆脆哋又唔会太油腻，少少嘅炭香令只烧鹅更加香，完全唔会好似之前试几旧就已经唔想食。价位嚟讲当然唔算平，不过嘢食好食，而且环境舒服又有得睇下海景，都系可以接受嘅范围。整体都好满意。