八番拉麵 (已結業)

是日叫左一个日式叉烧拉面拼煎饺子。整体黎讲食物质素唔错，八番拉面既拉面面质系亮点，幼身得黎又有口感。佢既轫度同爽度唔错，食落去既口感比一般拉面好，但系又够幼身，吸到好多汤底，食落去更加好味。美中不足既系，拉面量真系有啲少，汤底亦都太淡，香味同咸味都唔系太够。叉烧既量都唔系太够，但系味道都唔错，够肥之余又煮得够霖。饺子既味道都几好，不过我觉得可以煎耐少少，少少焦可以令佢既香味更加突出，而且馅料都有少少淡。整体黎讲，味道都算唔错，以七八十蚊黎讲还可以啦，不过系foodmall黎讲，就真系有少少贵啦